Sattar Jabbar Haji
A Short Bio / زانیاری کەسیی / سيرة ذاتية قصيرة
پ. ه. د. ستار جبار حاجی
ژ دایك بووى: عیراق- كوردستان، پارێزگه‌ها دهۆك، ساڵا 1978، هه‌لگرێ باوه‌رناما دكتورایێ یه د په‌روه‌رده و رێكێن وانه‌گوتنێ دا ژ زانكۆیا دهۆك (2014). نزیكى (18) ساڵا خزمه‌ت د بوارێ په‌روه‌رده و فێركرنێ دا هه‌یه، و كاركرى یه وه‌ك مامۆستا د هه‌مى قوناغێن خواندنێ دا، هه‌ر ژ قوناغا بنه‌ره‌تى هه‌تا قوناغا زانكۆیێ، وه‌ك ڕاهێنه‌رێ مامۆستایان (Teacher trainer)كاركرى یه، (خۆلێن رێكێن وانه‌گوتنێ- پێداگۆجى) ل: رێڤه‌به‌ریا گشتى یا په‌روه‌ردا دهۆكێ، هه‌روه‌سا ل سه‌نته‌رێن پێداگۆجى یێن زانكۆیێن (زاخۆ، دهۆك، نوروز، سه‌لاحه‌ددین، لبنانى-فه‌ره‌نسى، سلێمانى، گه‌رمیان، حه‌له‌بچه).
به‌شدارى د چه‌ندین كونفرانس و ووركشوپێن نێڤ ده‌وله‌تى وناڤخویێ كریه، د بوراێ په‌روه‌رده و فێركرنێ دا، هه‌روه‌سا چه‌ندین ڤه‌كولینێن په‌روه‌رده‌یى ب زمانێن: (كوردى، عه‌ره‌بى، و ئینگلیزى) د گوڤارێن نێڤده‌وله‌تى ونافخۆیى یێن باوه‌رپێكرى به‌لاڤكرینه.
نوكه مامۆستایه ل فاكولتیا په‌روه‌رده زانكۆیا زاخو، هه‌روه‌سا رێڤه‌به‌رێ سه‌نته‌رێ ڕاهێنانا پێداگۆجى وپه‌ره‌پێدانا ئه‌كادیمى یه ل زانكۆیا زاخۆ.
Category / پۆلێن / الفئة :
Teacher Professional Development / گەشەسەندنی پیشەیی مامۆستا/ التطوير المهني للمعلم
Seminar Title / ناونیشانی بابەت / عنوان الندوة :
Innovation in Teaching and Learning : As an Approach to Teacher Professional Development داهێنان د فێركرن و فێربوونێ دا: وه‌ك ده‌روازه‌یه‌ك بۆ گه‌شه‌كرنا پێشه‌ییا مامۆستایان
Abstract / پوختە / الملخص
وانه‌گوتن په‌یامه‌ك وپیشه‌یه‌كێ ب بهایه؛ هه‌روه‌سا رێكێن وانه‌گوتنێ ئامرازه‌كێ گرنگه یێ كۆ مامۆستا بكاردئینیت ژبۆ جێبه‌جێكرنا وانێ وبده‌ستڤه‌ئینانا ئارمانجێن په‌روه‌رده‌یى، رێكا وانه‌گوتنێ یا كاریگه‌ر و داهێنانه هاریكارى یا بده‌ستڤه‌ئینانا چه‌ندین چالاكیێن مێشكى وچڤاكى ولڤینێ دكه‌ت لده‌ف قوتابى، له‌ورا یا گرنگه مامۆستا ده‌لیڤى بده‌ته فێرخوازان كۆ ببنه چه‌قێ سه‌ره‌كى د وانه‌گوتنێ دا، وبه‌شدارییه‌كا چالاك د چالاكیێن فێركرنێ دا بكه‌ن، وڤێ چه‌ندى ب حه‌ز وه‌رگرن داكو فێرى سه‌ربه‌خۆیا هزرێ وكاركرنێ وپشت به‌ستنێ بخوه ببن.
وانه‌گوتن ستینه‌كا سه‌ره‌كى یه دپرۆسا فێركرنێ دا، سه‌ره‌راى بساناهى كرنا وێ لده‌ف چه‌نده‌كا لێ چه‌ندیت ئاڵوزییا ژى بخۆڤه دكریت ئه‌گه‌رێ ڤێ چه‌ندێ بۆ وێ یه‌كێ دزڤریت كۆ مامۆستا سه‌ره‌ده‌ریێ دگه‌ل قوتابیێن جۆراوجۆر دكه‌تن، وجۆداهیێن تاكى یێت دناڤبه‌را وان دا هه‌ین، هه‌روه‌سا جیاوازى د بوچوون وئاره‌زوویان دا.
داهێنان یان نۆیبوون د فێركرن و فێربوونێ دا هاندانا مامۆستا و قوتابیان دده‌ت بۆ لێگه‌ریان و دویفچوونێ، برێكا بكارهێنانا ئالاڤ و ستراتیژییه‌تێن نوى د فێركرنێ دا، كۆ دێ هاریكاریا قوتابیان كه‌ت بۆ هزركرنێ و داهێنانێ د جاره‌سه‌ركرنا ئاریشاندا، بشێوه‌كێ بگونجیت دگه‌ل پێداویستیێن په‌روه‌رده‌یى یێن جیهانا سه‌رده‌م.
له‌ورا ڕاهێنانكرن و پێشخستنا شیانێت مامۆستایان ژ پێداویستیێن گرنگه د بیاڤێ په‌روه‌رده وفێركرنێ دا، ژبه‌ر كۆ ئاڤاكرنا قوتابییه‌كێ داهێنه‌ر و پێشكه‌فتى، و خودان شیان، پێدڤى ب مامۆستایه‌كێ سه‌ركه‌فتى و داهێنه‌ره د كارێ خۆه دا.
Keywords / وشە سەرەکیەکان / الكلمات المفتاحية
داهێنان، فێركرن، فێربوون، ڕاهێنانكرنا مامۆستا، گه‌شه‌كرنا پێشه‌یى Innovation, Teaching, Learning, Teacher education, professional Development