Dr. Nasreen Mohammed Abdullah
University of Duhok
A Short Bio / زانیاری کەسیی / سيرة ذاتية قصيرة :
“مامۆستا (د.نسرین محمد عبداللە) ل زانکۆیا دهۆک/ کۆلیژا پەروەردا بنیات کاردکەت، ل سالا (٢٠٢٣) باوەرنامەیا دکتورا د بوارێ فەلسەفا پەروەردە و ڕێکێن وانەگوتنێدا ل زانکۆیا دهوک / کولیژا پەروەردا بنیات وەرگرتییە ، ل سالا (٢٠١٦) باوەرنامەیا ماستەرێ د بوارێ پەروەردا نیڤ دەولەتی و رێکێن وانەگوتنێ ل زانکۆیا لیستەر/ کولیژا پەروەردە ل وەلاتێ بەرێتانیا بدەسڤەئینایە، ژبلی کارێ ماموستا زور کارێن کارگێری و رێکخستنێ و لیژنەیان ئەنجامدانە و یا بەردەوامە وەک( رێکخەرا پروسێسا بولونیا ، ئەنداما کۆلیژا پەروەردا بنیاتە د کاربارێن پەیوەندیاندا،… ) دیسان (ToT) ە دبوارێ فێرکرنێدا د پروگرامێ تیجیەرزمۆد(Teaches Mod) دا ل گەل زانکوێن ئەورپی ، هەروەسا زۆر کارل گەل ڕێکخراوێن مروڤایەتی نە حکومی (NGO) ئەنجامدانە”
Category / پۆلێن / الفئة :
Adaptive Teaching Strategies
Seminar Title / ناونیشانی بابەت / عنوان الندوة :
کار گەرییا سترایجییەتێن فێربوونا بەروڤاژی(( Flipped learning و ڕۆلگێران (Role-playing ) د دەستکەفتێ زمانێ کوردیدا
Abstract / پوختە / الملخص :
“ستراتیجییەتا فێربوونا بەرۆڤاژی دشێت ببیتە زمانێ قوتابیێ ئەڤرو ، و گه‌شێ ب به‌رپرسیارەتییا خۆ فێرکرنێ ل ده‌ڤ ئەوى ددەت، هاریكارییا قوتابیێن خودان كار یان ئەوێن کێم یان زۆر ل دەوامێ و ئامادەبوونێ ڤەقتیانێ دكه‌ن (Bergmann&Sam,2012: 49-61). چونکی، دوو جۆره ده‌مان بۆ فێركرن وفێربوونێ دابیندکەت، ده‌مه‌كێ ڤه‌كرى ل مال و ژ ده‌رڤه‌یى پۆلێ، كو ئه‌و دشێن ل هه‌رده‌م و جهەکی، ب ڕێکا ئەوان ڤیدیۆێن سەرنجڕاکێش و وورژێنه‌ر و چێژدار کو ژ لایێ مامۆستایی ڤە دهێنە دیزایینكرن و مفای ژێ وەربگرن، و به‌رى ده‌مێ وانێ ل قوتابخانێ ب ڕێکا تۆرێن کۆمەلایەتی یان مالپەرێن ئه‌لكتروونى بۆ قوتابییان دهێنە هنارتن، و ده‌مێ وانه‌گوتنێ د ناڤ پۆلێدا،كو ده‌مه‌كێ كێمه و مامۆستا بۆ شرۆڤه‌كرن و گه‌نگه‌شه‌كرنا بابەتی و سازدانا چالاكییان و پڕاكتیككرنا بابه‌تێ خواز وپێدڤییاتی ب پڕاكکتیك و ڕاهێنان ل سه‌ر ته‌رخان دكه‌ت (شرف،2020: 141) .
فێربوونا بەرۆڤاژی ئێکە ژ چارەیێن نویێن تەکنیکی بۆ چارەکرنا لاوازی و کێماسێن فێرکرن و فێربوونا ئاسایی، هەروەسان بۆ گەشەپێدانا ئاستێ کارامەیێن هزرکرنێ ل دەڤ قوتابییان. ئەڤ جۆرە فێربوونە، ستراتیجییەتەکا وانەگوتنێیە، کو بکارهینانا فێرکرنێ بخۆ ڤەدگریت، بۆ مفا وەرگرتن ژ فێربوونێ د میانا پرۆسەیا فێرکرنێدا، کو دبیت مامۆستا دەمەکێ زۆر بۆ کارلێك و دانۆستاندنێ د گەل قوتابییان د ناڤ پۆلێدا ل شوینا ب تنێ وانەگوتنێ، ب سەرببەت، ژبەرکو ئەوان ب ڕێکا گرتە ڤیدیۆیان بابەت ل مال دیتینە و خواندینە. ب ئەڤێ چەندێ ژی، قوتابییان دفێربوونا بەرۆڤاژیدا ئاستێ ژێری د بۆاریێ مەعریفیدا (وەرگرتنا زانین و تێگەهشتنێ) ل مال ب دەستڤەدهینن، ل پۆلێدا تەکەزێ ل سەر ئاستێن سەری دبۆاریێ مەعریفیدا (پڕاکتیکك،شلۆڤەکرن، لێکدان، هەلسەنگاندن)ێ دکەن (Nechohdomu,et,all,2016:3).
هەروەسا ستراتیجییه‌تا ڕۆڵگێرانێ مودێلەکا پەروەردەیی و فێرکرنێیە کو فێرکرنێ و وانەگوتنێ بشێوەیەکێ کۆنترۆلکری و خوش و جوشی بو قوتابیان و مامۆستایی پەیدادکەت ل دەمێ ژ دوخێ ڕوتین و شێوازێ ڕوژانەیێ یا واناگوتنا زارەکی دویدرکەڤیت (Kuipers & Clemens, 1998; Huang and Shan, 2008;).
ستراتیجییه‌تا ڕۆڵگێرانێ کاریگەرییا خۆ سەلماندیە د فێرکرنا زمانیدا، چونکی ڕۆڵگێڕان دشێت حەماسەت و باوەربخۆبوون و هەڤسۆزییا قوتابیان زێدەدکەت. و هاندانا هزرکرنا رەخنەیی لدەڤ پەیدادکەت، ڕۆڵگێڕان دەرفەتێ د دەتە قوتابیان کو زمانی ل دوخێ ژیانا واقعی و ڕاسەقینە و بشێوەیەکێ سەرنجڕاکێش و خوش پراککتکبەت و دهەمان دەمدا پالدەر و هاندنا قوتابیێن کێم ئارەزوو بەشداریێ بکەن و زمانی بکاربینت ل دەمێ ڕۆلێ خۆ دگێرینن دگەل هەڤپۆلێن دناڤ ۆپۆلێدا ( Alabsi, 2016:229 )
پراکتیککرنا کارلێک ل کەل کەسانێن دیتر وەک شێوازەکی ژبو ئەنجامدانا وانەگوتنەکا چالاک ل دەڤ مامۆستایی ، ڕگریێ ل ڕۆتینا ڕۆژانە ڕێنمایێن بسەرڤەچووی دگریت، ل دەمێ بکارئینانا تەکنیکا مودرندا ،کو زۆربەیا بنەمایێن فێڕکرنێ جەختکرنێ ل سەر فێرکرنا چالاک و هاوبەش دکەت نەک وناگوتنەکا زاەرکی کو بشتبەستنی ل سەر مانا وبیرئینانا زانیارایان ل سەر فێرکرنا بنەمایێن زێزمانی نەک پێکهاتەین زمانی بشێوازیێ ئەکتیڤ (Krebt,2017:863).”
Keywords / وشە سەرەکیەکان / الكلمات المفتاحية :
فێربوونا بەروڤاژی، ڕۆڵگێران ، دەسکەفت